Муус устар 13-15 күннэригэр ыытыллар“Аҕа дойдуну көмүскээччилэргэ Албан аат”өрөспүүбүлүкэтээҕи Ханалас сиригэр устуоруйа кэрэһиттэрин өйдөбүнньүк сирдэринэн хайыһарынан-массыынанан айан биһиги нэһилиэкпиттэн саҕаланна.
Бу тэрээһин Ханалас сиригэр-уотугар анал байыаннай дьайыыга Аҕа дойдуларын чиэстээхтик көмүскүү сылдьар уолаттарбытыгар ,Саха республикатыгар физкультурнай сайдыы төрүттэммитэ 100 сылыгар туоһуланна, Ханаласпыт улууьугар устуоруйа кэрэьиттэринэн ааттаммыт сирдэринэн хайыһарынан уонна массыынанан айан маннайгы күнүн кыттыылаахтарын Төхтүр сиригэр Гражданскай сэрии Геройдарын өйдөбүнньүк бэлиэтигэр,нэһилиэкпит Аҕа баһылыга,общественниктара,түмсүүлэрэ.оскуола үөрэнээччилэрэ буолан күргүөмнээхтик көрүстүбүт. Хайыһарынан айан улахан соруктарынан биһиги биллэр-көстөр бастын политическай деятэллэрбит,үтүө үлэһит дьоннорбут,хорсун хоодуот буойуттарбыт ааттарын үйэтитэр тус сыаллаах,кэнчээри ыччаттарбытыгар төрөөбүт дойдуларын таптыырга,харыстыырга кинилэр үтүө суобастаах дьоһун дьон буолан иитиллэн-такайыллан тахсалларыгар бастын холобур буоларга тус сыаллаах-соруктаах.Ханаласпыт киэн дуолуттан куорсун анньынан көппүт чулуу дьоннорбут ааттарын ааттаан,кинилэр олохторун-дьаһахтарын,үлэлэрин сырдатан,өйдөбүнньүк бэлиэлэргэ сүгүрүйэр ытык иэспит. Бу икки күннээх хайыһарынан айан “Куллаты” Ытык сириттэн саҕалаан- Юнеско харыстабылыгар киирбит Өлүөнэ очуостарынан түмүктэниэҕэ.
Хайыһарынан айан сүрүн тэрийээччилэринэн Ханалас улууһун депутаттарын сэбиэтэ,сэрии. үлэ-тыыл бэтэрээннэрин өрөспүүбүлүкэтээҕи союзтара, Дьокуускайдааҕы бүтүн Арассыйатааҕы региональнай Авганистан байыаннай дьайыытын бэтэрээннэрэ,” Саллааттар Ийэлэрэ” ийэлэр өрөспүүбүлүкэтээҕи кэмитиэттэрэ, Саха өрөспүүбүлүкэтин спордун министиэристибэтэ, “Чысхаан” хайыьардьыттар өрөспүүбүлэкэтээзи кулууптара. “Өлүөнэ очуостара” айылҕа паарката,Саха көрдөрөр –иһитиннэрэр хампаанньа көҕүлээһиннэринэр тэриллибит.
Хайыһарынан уонна массыынанан айан кыттыылаахтарын ,нэьилиэкпит Аҕа баһылыга Багдарыын Ньургун уола Кэскил , Саха республикатын сэрии-тыыл бэтэрээннэрин сэбиэтин бэрэсэдээтэлэ Иванов Вильям Очирович, Ханалас улууһун бэтэрээннэрин сэбиэтин бэрэсэдээтэлэ Аргунов Д.С. Дьокуускай куораттааҕы “Чысхаан” хайыьар спордун сэргээччилэр кулууптарын чилиэнэ Киров Сергей Петрович , А.Д. Широких аатынан Төхтүр орто оскуолатын Үрдэл үрдүкү кылаас оҕолоро , кыраайы үөрэтээччи ,устуоруйа учуутала Радион Алексеевич Захаров кыттыылаах истин эҕэрдэ тыллардаах эҕэрдэлэрин анаатылар ол кэмнээҕи устуоруйа кэрдииьинньикэин санаан-ахтан аастылар. Түмүккэ сахалар бастын хайырдьыттар буоларбытын киэн тутта суруйбут Саха норуотунай суруйааччыта Илья Винокуров –Чазылҕан ырыа буолбут хоһоонунан бука барыларыгар ситиһиилээх айаны баҕаран туран ырыабытын анаатыбыт.
(views)