Спартакиада женщин между командами микрорайонов наслега “Красота. Здоровье Спорт.”

Бүгүн, Ийэ күнүн чэрчитинэн, Төхтүр нэһилиэгин дьахталларын Спартакиадата А.И. Борисов аат. “Эркээни” Култуура уонна спорт киинигэр буолан ааста.

Спартакиадаҕа фитнескэ, дартс быраҕыыга, остуол тенниһигэр, буулдьанан ытыыга, “городки” оонньууга уонна биэс түһүмэхтээх эстафетаҕа барыта биэс түөлбэ кэрэ аҥардара илин-кэлин түһүстүлэр. Түмүккэ “Айтал” түөлбэ (салайааччы Александра Алексеева) бастаата, иккис миэстэ Дьулуур”  (сал. Олимпиада Уваровская), үһүс – “Үрдэл” түөлбэ (сал. Елизавета Сидорова) буоллулар.

Кыттааччылар олус астынан, өрөбүл күннэрин өрө күүрүүлээхтик атаардылар. Кинилэр нэһилиэк уопсай Спартакиадатын таһынан, ийэлэри, эдэр кыргыттарбытын спорка көҕүлүүр маннык тэрээһин үтүө үгэскэ кубулуйарыгар, ситимин быспакка мэлдьи буоларыгар баҕа санааларын эттилэр.
Бу күн мобилизацияламмыт уолаттарбытыгар нэһилиэкпит ийэлэрэ илиилэрин сылааһын иҥэрэн тикпит толору эмтээх-томтоох аптечкаларын түмэн өрөспүүбүлүкэтээҕи аахсыйаҕа кыттыстылар.

(views)

Добавить комментарий

Ваш адрес email не будет опубликован.